| كانيلوني باللحم Beef Cannelloni |

.

.

أهلاً يا أصدقاء .

اليوم بحط لكم وصفة الكانيلوني المحشية باللحم المفروم ..

هالوصفة لذيذة جداً إذا سويتوها بتعتمدونها ؛)

| المقادير والطريقة | :

أول شي نحمس بصله كبيرة مقطعة مكعبات صغيرة مع فص ثوم مفروم وزيت .. ونخليه لما يذبل .

على ما يذبل في قدر ثاني نحط نصف كيلو لحم المفروم على نار عالية بدون زيت أو أي شي لما يبدا يتغير لونه نضيفه على البصل ونحمسهم مع بعض .

بعدين نضيف بهارات مشكلة وفلفل أسود وملح .

بالخلاط نحط :

- حبتين طماط كبار مقشرين ومقطعين  أو إذا عندكم علبة طماط ايطالي فهو يفي بالغرض .

- ربع حبة فلفل أخضر بارد 

- شوي كزبرة طازجة 

- ملعقتين طعام معجون طماط 

- مكعبين ماجي أو بديل الماجي 

نخلطهم بالخلاط ونضيفهم على اللحم المفروم ونقلبه ونخليه لما يتسبك ..

بعدين نحشي الكانيلوني بالحشوة أنا استخدمت النوع اللي ما يحتاج سلق قبل الحشو .

الحين بالخلاط نحط هالمقادير :

- علبة كريمة خفق 200 مل 

- علبة قشطة

- 3 ملاعق جبن سائل 

ونصب شوي من هالخلطة بصينية الفرن ونصف الكانيلوني المحشية بعدين نصب باقي الخلطة عليها لما تغطيها ..

ونغطي الصينية بقصدير وندخلها فرن مشغل مسبقاً على درجة حرارة 350 ..

بعد ماتستوي نحط عليها موزريلا ونحمرها ونقدمها ..

| كيكة الحليب : tres leches cake |

كيكة الحليب | tres leches cake

عبارة عن كيكة اسفنجية نسقيها بـ 3 أنواع من الحليب ..

هنا حبيت أسويها بنكهة الزعفران و موية الورد عشان تكون نكهة رمضانية ..

المقادير :

للكيك الإسفنجي :

- اصبع زبدة بدرجة حرارة الغرفة

- ٥ بيضات بدرجة حرارة الغرفة

- كاس سكر

- كوب ونص طحين

- ملعقة صغيرة بيكنق باودر

- ملعقة صغيرة ڤانيلا

- شوي ملح

طريقة الكيك :

نخفق الزبدة حتى تلين 

ونضيف عليها السكر ونخفقهم بعدين نضيف البيض حبه ونخفق بعدين نضيف بيضة ثانية ونخفق وكذا لما نخلص من كمية البيض ونضيف معاهم ملعقة صغيرة فانيلا

على ما نخفق البيض ننخل الطحين والبيكنق باودر والملح وبعدين نضيفه على خليط البيض على دفعات ونخفقهم

ضروري ننخلهم عشان بتوزع الطحين والبيكنق باودر مضبوط

بعدين نصب الخليط في صينية مدهونه بزبدة

وندخلها الفرن على درجة حرارة ٣٦٠ لمدة 20 - 25 دقيقة

نتأكد من انها مستويه لما نغرز فيها سكين او عود ويطلع نظيف

على ما تستوي نسوي خليط الحليب

مقادير خلطة الحليب :

- نص كاس كريمة خفق

- نص كاس حليب سائل

- علبة حليب مبخر ( بوني / أبو قوس )

- علبة حليب مكثف محلى ( نستله )

- ملعقة ماي ورد

- زعفران منقوع في شوي حليب حار من قبل لفترة ..

نحط المكونات مع بعض ونقلبهم

لما نطلع الكيكة من الفرن على طول وهي ساخنه نسوي فيها ثقوب كثيييييرة بالشوكة 

ونسقيها ٣/٤ كمية خلطة الحليب وهي لسى ساخنه

ونخليها تبرد برا بعدين ندخلها الثلاجة ..

ملاحظة : الأفضل نخلي الكيكة في الثلاجة وقت طويل حتى تتشرب الخليط 

قبل التقديم نخفق كاس كريمة خفق ونحطها كآخر طبقة في الكيكة ..

ونقطعها ونزينها و نصب شوي من خلطة الحليب في صحون التقديم ونحط قطع الكيكة فوقها

| حشوة البطاطس |

.

.

.

.

حشوة البطاطس رهييييبة للسمبوسة ..

| الطريقة والمقادير | :

- نسلق البطاطس بعدين نقشره وبعدها نقطعه لمكعبات كبيرة ..

- نحمس البصل بالزيت لما يذبل ثم نضيف البطاطس عليه ونقلبه 

- نضيف بهارات مشكلة وكركم ومكعبين ماجي ( نفرمه قبل مانضيف ) وفلفل أسود وملح وفلفل أحمر مجروش 

ونقلب ونحاول نهرس البطاطس واحنا نقلب .

- نضيف شبت طازج مفروم وشرايح فلفل حار ونقلبهم دقايق 

- نضيف كزبرة طازجة مفرومة ونقلبهم شوي ونرفعها من علی النار ونخليها تبرد بعدين نحشي السمبوسة فيها .

.

.

| صينية الدجاج و البطاطس |

.
.







كل عام وانتو بخير ،
هذا آول بوست برمضان وحبيت يكون وصفة سهلة وما تاخذ وقت

| المقادير والطريقة | :

صدور دجاج مقطعة مكعبات ومتبلة ٣ ساعات علی الآقل في :
[ ملعقة كبيرة خردل + ملعقتين كبار مايونيز + ملعقتين كبيرة كاتشب + ملعقة كبيرة بيستو آحمر + فلفل آسود ]
البيستو الآحمر اختياري وتلقون صورته هنــا 




.
.

نقلي ٣ حبات بطاطس مقطعة مكعبات متوسطة ،ننشفها من الزيت بعدين نحطهم بصينية للفرن ونحط معاهم الدجاج 






وندخلهم الفرن لما يستوي الدجاج .

بعد ما نطلعها من الفرن نزينها بالبقدونس ونقدمها 

| ربيان بالبيستو الأحمر |

.

.

 

 

 

 

 

أهلاً أهلاً ..

 

هالمرة التدوينة بتكون عن طبخة لذيذة وسهلة وما تأخذ وقت كثير أهم شي ..

 

 

| ربيان بالبيستو الأحمر |

 

 

أول شي البيستو الأحمر أخذته جاهز من ماركة MF ..

تلقونها بالتميمي .

 

وهذي صورته :

 

 

 

 

نجي لـ | الطريقة والمقادير مع بعض | :

 

أول شي نجيب ربيان مقشر ومنظف ونتبله بـ :

 

[ عصير ليمونه | فصين ثوم مفرومين | كزبرة مفرومة | فلفل أسود مطحون | ملعقتين كبيرة من صوص البيستو الأحمر ]

 

ونخليه يتّبل نص ساعة بعدين نحطه بصينية للفرن ونملحه

وندخله فرن مشغل مسبقاً على درجة حرارة 360 لما يستوي .

 

ونقدمه وبالعافية .

 

* مرات أحط بالتتبيلة فلفل مشكل ( وردي وأسود وأبيض وأخضر ) يجي بعلبة ونجرشه وقت الاستخدام .

 

 

 

| مطعم فوشي FUSHI .. التقرير اثاني |

.

.

 

 

أهلاً  أهلاً

 

مثل ماتشوفون العنوان هالمرة بكتب لكم تقريرعن مطعم من المطاعم المفضلة عندي ..

 

مطعم فوشي FUSHI

 

موقعه بالخبر عند الواجهة البحرية جنب أب تاون

 

المكان شرح ويدخله نور الشمس وهذا الشي يعجبني

لكن غالباً يكون زحمة وإزعاج شوي :/

 

عشان كذا مرات أفضل أطلب ويوصلونه للبيت

وهذا رقمهم :

 

0138989595

 

هالمطعم  سبق وكتبت عنه تقرير قديم جداً هذا الرابط حقه :

 

| مطعم Fushi .. الخبر |

 

وهذا التقرير بيكون تحديث ..

 

المنيو صار مصور على الآيباد ..

 

وطلباتنا كانت :

 

 

 

 

عصير ليمون بنعناع ..

 

مو لي فما أدري هل هو مضبوط أو لا :$

 

 

 

 

 

 

 

شوربة توم يم ..

 

من الشوربات المفضلة عندنا وأعجبت اختي .

 

بس ثقيلة نوعاً ما  مو خفيفة  .

 

ما أقدر أكتب عنها بالتفصيل لأني ما جربتها هالمرة .

 

 

 

 

فنكي تشكن رولز ..

 

هو عبارة عن سبرنغ رول مقطع بشكل مايل

 

محشي دجاج مبهر وخضار ..

 

الطبقة الخارجية مقرمشة ومو شاربه زيت كثير ..

 

طعمه لذيييذ ومو أول مره أطلبه :$

 

 

 

 

 

وهذي التشيلي بيف نودلز ..

 

من ألذ أنواع النودلز اللي عندهم

 

خفيفة ما تغث ..

 

اللحم مقطع لقطع صغيرة ..

كمية الخضار ممتازة ومتناسبة مع النودلز

 

باختصار ممتازة

 

 

 

 

 

 

طالعوها على راحتكم .!

 

 

 

 

 

 

 

 

 

وهذا التشيكن تبنياكي

 

طبق أخوي المفضل ..

 

الصوص اللي معاه فيه نسبة حلاوه بسيييطه

وفيه ثوم محموس

 

يجي مع خضار مسلوقة ورز من اختياركم .

 

 

 

 

سوشي ..

 

كريزي كالفورنيا ..

 

سوشي محشي بكراب وخيار وأفوكادو ومايونيز ياباني

ومن فوق كراب ومايونيز ياباني

 

لذيذ مره

 

 

 

 

تمقلوا رعاكم الله ..

 

 

 

 

 

نجي لهالطبق الجديد

 

كاجامي راب

 

كأنها سوشي بس مو مقطع لقطع صغيرة ..

 

تورتيا محشية رز وكراب وخيار ومنقا وماينويز ياباني ..

 

تتقدم مع سلطة البابايا وبطاطس ..

 

الطعم لذيذ صراحة لكن تمنيت إن في مثلها سوشي ..

 

وسلطة البابايا لذيذة حبيتها مره

 

والبطاطس أو الفرنش فرايز للكول أعجبتني إنها ناشفة مافيها زيت أبد ومبهرة ببابريكا..

 

أختي صارت تطلبه دايم من بعد ذاك اليوم :/

 

 

 

 

وبكذا خلصت التقرير السريع عن مطعم فوشي .

 

من زمان ما كتبت تقارير فأحس إني حايسة ههههه :$

 

 

.

.

 

 

عوداً حميداً يا ( أنا ) ..!

 

.

.



 

 

 

 

 

 

مثل ما انتو شايفين بالصورة

 

من قراراتي لسنة 2016 العودة للمدونة بعد ما انقطعت أكثر من سنتين عن التدوين .

 

لكل شخص أهداف يطمح لتحقيقها سواء على الصعيد المهني أو العلمي أو الشخصي وغيره .

 

من أهدافي للمدونة لهذه السنة تخطي حاجز المليون مشاهدة بإذن الله ..

 

كيف بيتحقق ؟

 

حطيت لي خطة بمشي عليها بإذن الله وراح تشوفون بعض التغييرات الحلوة بالمدونة ..

 

وأكيد كل شي بيتحقق بعد إرادة الله ودعمكم لي وتشجيعكم .

 

.
.

 

حب العطاء من أهم الأشياء اللي كانت تعطي معنى لحياتي وفقدت جزء من جمال هالشي لما انقطعت عن التدوين .

 

كنت أتحمس أحط لكم الوصفات وتقارير لمطاعم .. أحب أقرأ تعليقاتكم ودعواتكم لما تضبط معاكم الوصفة ..

 

كان تأثير إيجابي فقدته ، صحيح بالانستغرام لقيت دعواتكم الطيبة وتعليقاتكم الحلوة لكن يبقى التدوين مختلف ما أعرف ليه .

 

اشتقت لكم وبرجع لكم بالأفضل بإذن الله ..

 

أحبكم وشكراً لتعليقاتكم الحلوة مقدماً ( كيف الثقة هههه ؟ )

.
.


( حوّل أحلامك لأهداف )

فكّر .. خطط .. نفّذ

أتمنى إن هالموضوع يكون بداية حلوة للمدونة
ويشجعكم تحددون أهدافكم لهذه السنة وتخططون لها
وتحققون اللي تطمحون له .



 

 

.

.

 

 

 

 

| بصل محشي |

.

.

هالشي اللذيذ اللي وعدت ناس كثير أحط طريقته وتأخرت جداً وأعتذر عن هالشي :$

طبعاً تتوقعون أن طعم البصل لاذع .. لا أبداً .

| الطريقة والمقادير مع بعض | :

- للحشوة :

- كاس ونص رز مصري منقوع في ماء لمدة ساعه

- بيالة زيت زيتون

- شوية نعناع مفروم

- حزمة بقدونس مفروم

- 4 حبات طماط مقطعه لقطع صغيره جداً .

- بصله مقطعه قطع صغيره جداً

- فلفل اسود

- مكعبين ماجي ( نحاول نفرمها عشان تذوب بسرعه مع المقادير )

- عصير ليمونتين

- ملعقتين كبيرة دبس رمان" اختياري "

- ملعقة صغيرة كركم

نقلبهم مع بعض ونخليهم على جنب .

نجيب الحين بصل أبيض كبير (العدد براحتكم بس الحشوة بتكون كثيرة على فكرة ممكن تسوون أنواع محاشي مختلفة معاه أو تفرزنون الحشوة لمدة أسبوع وتسوونه مره ثانية ) .

أول شي نقطع البصل من فوق ومن تحت بهالشكل ..

بعدها نحاول نقطعه بشكل خفيف من على جنب للمنتصف مثل كذا ..

يعدين نحطهم في قدر فيه ماي مغلي ونخليه يطبخ مدة نص ساعة تقريباً .. لما نحس انه تفكك شوي وصار لين نوعاً ما ..

بعدها نصفيه ونخليه يبرد شوي ونبدأ ناخذ ورقة - ماعرفت وش أسميها ههه - ونحشيها

هي بالطرف ما تكون مفرودة بشكل كامل .. بالصورة واضح انها مفرودة مره بس هي لا :/

 ونلفها ..

ونصفه في صينية للفرن ونصب عليه صوص التمر الهندي.

عبارة عن : 

[  تمر هندي مذوبينه في كاسين ماي مغلي ونضيف عليه ملعقتين كبيرة سكر ومكعب ماجي و4 ملاعق كبيرة معجون طماط وفلفل أسود ]

التمر الهندي أخذت نص الكمية اللي في الكيس الصغير .. 

.
.

بعدها نغطية بقصدير وندخله الفرن لمدة ساعة إلى ساعة وربع تقريباً .

ونقدمه .

.
.